Сапасыз астық құс шаруашылығына да кері әсер етеді

Толассыз жауған жаңбырдан диқандар ғана емес, құс өнімін өндірушілер де зиянға ұшырауы мүмкін. Сала өкілдерінің айтуынша, биылғы сапасыз астық құс шаруашылығына кері әсерін тигізіп, сапасыз жем өндіріс пен өнімділікке әсер етеді. Бұл туралы World of NAN порталы АПК-Новости агенттігіне сілтеме жасай отырып хабарлайды.

«Егін нашар, астықтың сапасы төмен. Біздің өнеркәсіпке 3-4 сыныпты бидай қажет, сапаның төмендігі өндіріс пен өнімділікке әсер етеді. Сапасыз астықты пайдаланған сәтте құстың рационына қосымша құрамдас бөліктерді қосу керек, бұл өнімнің өзіндік құнына әсер етеді», - дейді Қазақстан құс өсірушілер одағының басшысы Руслан Шәріпов.

Қазіргі уақытта шекаралас облыстардағы құс фабрикалары бидайды Ресейден сатып алып жатыр, өйткені ол отандық бидайдан бірнеше есе арзан.

Құс өсірушілер қазақстандық астықтан гөрі ресейлік дәнді дақылға басымдық бере ме деген сұраққа Руслан Шәріпов былай деп жауап береді:

«Бәрі астықтың бағасына байланысты. Құс өсірушілер құсты толық рационмен қамтамасыз ету үшін жоғары сапалы жемді қалайды. Сонымен қатар, жаңа піскен астықты құсқа беруге болмайды. Физиологиялық піспеген дәнді рационға қоса отырып, азықтандыру маманы құстың денсаулығына қауіп төндіреді. Өйткені, жаңа піскен дақылдардың тағамдық құндылығы үнемі өзгеріп отырады, ал оның нақты азықтық құндылығын дұрыс бағалау өте қиын. Ал құс рационында астықтың басқа компоненттерден басым болатынын ескерсек, тағамдық құндылықты дұрыс бағаламау рациондағы шикізаттың тиімсіз арақатынасына, демек, энергия мен қоректік заттардың теңгерімсіздігіне әкеледі. Бұл экономикалық көрсеткіштерге, құстың денсаулығы мен физикалық жағдайына тез әсер етеді ».

Қазақстанда іс жүзінде құс өнімдерін өндіруге астықтан басқа ештеңе жоқ. Кәсіпкерлер барлығын – асыл тұқымды материалдар, құрал-жабдықтар, ветеринарлық препараттар, витаминдер, премикстерді, т.б. заттарды шетелден сатып алады.

«Өнеркәсіптегі жағдай толықтай көңіл көншітпейді. Біз, құс өсірушілер, импортқа тәуелдіміз. Құс етінің аздығы саланың негізгі проблемасы, өндіріс шығындарының 70%-ын жем құрайды. Ал қамтамасыз ете алмаудың басты себебі – айналым қаражатының жетіспеуі, бағаның жыл сайын өсуі, шаруа қожалықтарында дәнді дақылдарды сақтайтын қоймалардың жоқтығы, жем-шөп өндіретін егіс алқаптарының жоқтығы», – деді кәсіподақ басшысы.

Одақтың хабарлауынша, қазіргі уақытта отандық құс өндірісі мемлекеттің қолдауынсыз тұрақты дамуын қамтамасыз етерліктей деңгейде дамымаған. Жуырда жұмыртқа саласы субсидиялау бағдарламасынан шығарылған болатын. Бүгінде Ресей Федерациясы мен Беларусь елдерінен әкелінген өнімдер ішкі нарықты құс еті өнімдерімен толтырып, отандық өнімнің өзіндік құнынан төмен бағада сатылып жатыр.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.