Сарапшылардың болжауынша әлемде сүт өнімдері мен жұмыртқа тұтыну артады

Әлемде орташа жан басына шаққандағы сүт, сүт өнімдері мен жұмыртқаны тұтыну 2024 жылы 56,4 кг-ға жетеді. Бұл туралы Statista компаниясының нарықты зерттеу қызметі айтты, деп хабарлайды World of NAN.

Сүт пен сүт өнімдерін, сондай-ақ жұмыртқаны сатудан түсетін әлемдік кіріс 2024 жылы $1,17 трлн-нан асады. 2028 жылға дейінгі кезеңде нарық жыл сайын 7,32% ұлғаяды деп күтіліп отыр. Сарапшылардың болжауынша, сүт және сүт өнімдері мен жұмыртқа өндірісі 494,4 млрд кг-ға жетеді.

Табыстың басым бөлігі Үндістаннан келеді – $173 млрд. Сонымен қатар Қытай, АҚШ, Германия мен Ресей жетекші елдердің бестігіне кіреді.

«Жаһандық нарық алдағы бірнеше жылда үздіксіз өсуді бастан кешіреді. Табысы төмен елдерде жан басына шаққандағы тұтыну әлдеқайда жоғары болады деп күтілуде. Мысалы, Үндістанда, Пәкістанда және кейбір Африка елдерінде алдағы жылдары сұраныс айтарлықтай артады деп болжанып отыр», - делінген хабарламада.

Сарапшылар сүт өнімдері мен жұмыртқаға сұраныстың өсуіне үй шаруашылығы кірісінің артуы ықпал ететінін атап өтті. Таяу жылдардағы өсімнің негізгі драйвері - органикалық өнімдер өндірісінің артуы, сондай-ақ өсімдік тектес сүт өнімдеріне сұраныстың артуы болады. «Инфляциялық қысымды ескере отырып, жеке бренд өнімдері де танымал бола бастады», - деп атап өтті сарапшылар.

Офлайн сегмент сату арналары арасында үстемдік етуді жалғастырады, дегенмен онлайн-сату үлесі біртіндеп артады. Осы санаттағы тауарлардың ішінде ірімшік бағасының айтарлықтай өсуі болжанады, ал басқа сүт өнімдерінің құны инфляция шегінде аздап өзгереді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.