Ресейде дақыл өнімділігінің төмендеуін болжап отыр

Метеорологтар мен сала мамандары Ресей Федерациясында ауылшаруашылық дақылдарының кейбір түрі төменірек өнім береді деп болжап отыр. Бұл жөнінде World of NAN порталы rg.ru сайтына сілтеме жасай отырып хабарлайды.

Ыстықтың көтерілуі әсерінен негізгі астық егетін аймақтарда – оңтүстікте, Кавказда, орталықта және Еділ бойында астықтың нашар дән алуы, жапырақтары мен сабақтарының қурауы байқалды. Оңтүстік өңірлерде ауа температурасы 40 градусқа жетеді. Ең қатты зардап шеккен дақылдар - жүгері, соя және күнбағыс.

Шілдеде Ресейдің бүкіл еуропалық бөлігінде ауа температурасы қайтадан нормадан жоғары болады. Бұл ең алдымен қатардағы дақылдарға (жүгері, тары, күнбағыс, қант қызылшасы) қауіп төндіреді.

Бірақ әзірге ИКАР астық жинау болжамын 127-128 миллион тонна деңгейінде, оның ішінде бидайды 82 миллион тонна деңгейінде сақтап отыр. Майлы дақылдар бойынша биылғы жылы рапс пен соя дақылдарының өте мол егілуіне байланысты рекорд орнатуға болар еді. Бірақ қазір бұл бойынша сұрақ туындайды.

Картоп одағының атқарушы директоры Алексей Красильников картоп пен борщ көкөністерінің өнімін жинау кезінде ауа-райы көбірек әсер ететінін айтады. Ыстықта суаруды пайдаланатын диқандар шығынға қарамастан ұтады. Бірақ мұндай аймақтар шамамен 15-20% ғана құрайды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.