Талдықорғандағы зауыт сүт өнімі түрлерін көбейтеді

«JLC Sut» ЖШС айына екі мың тоннадан астам дайын сүт өнімдерін шығарады, оны өндіру үшін облыс пен Алматының шаруашылықтарынан сүт сатып алынады. Бұл туралы World of NAN облыс әкімдігіне сілтеме жасай отырып хабарлайды.

Қазіргі сәтте Талдықорған сүт зауыты қазірдің өзінде сүт өнімдерінің 50-ден астам түрін шығарып, күніне орта есеппен 80 тонна шикі сүтті өңдейді. Зауыт сүт, май, құрт, ірімшік, балмұздақ, ашытылған сүт өнімдерінің түр-түрін шығарып, жуырда ғана сырланған сүзбе өндірісін жолға қойған.

Жаңа желіні енгізу үшін компания Венгрияда шамамен 150 миллион теңгеге арнайы тапсырыс бойынша жасалған құрал-жабдықтар сатып алды, ал зауыт мамандары Молдовада бір айлық оқу курсынан өтті. Классикалық түрлерден бастап, компания сүзбе ассортиментін 5 дәмге дейін ұлғайтты, бұл кезеңде айына 16 тонна глазурленген сүзбе шығарады.

Дайын өнім Талдықорған, Алматы қалаларында және жалпы Жетісу өңірінде сатылуда. Облыс орталығында барлығы 21 фирмалық дүкен бар. Кәсіпорында 250 тұрақты жұмыс орны ашылды, оның ішінде 110 адам сүт өндірісімен айналысады.

«Біздің кәсіпорында аналарымыз бен әжелеріміз пайдаланған сары май мен құрт өндіру технологиясы мен рецепті сақталған. Қазір глазурленген сүзбе торттарын шығаруды жолға қойдық. Нарықтағы сұранысты зерттей келе, біз ірімшік сүзбенің үш түрін: шоколадты, қоюландырылған сүтті және ванилді түрлерін шығаруды қолға алдық. Жақсы пікірлер жинап, биыл тағы 2 түрін қостық: кокос жаңғағы мен құлпынай дәмі», - деп бөлісті «JLC Sut» ЖШС цехының меңгерушісі Әмина Арынбекова.

Алдағы жоспарлар туралы айта келе, зауыт сары май өндіретін жеке цех ашуды көздеп отырғанын, себебі бұл азық-түлік өнімі негізгі өнімдердің бірі екенін атап өтті. Айтпақшы, «JLC Сүт» сүт зауыты өткен жылы 115 тонна сары май өндірсе, қазір айына 15-20 тоннадай май өндірілуде.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.