Тоқаев АӨК субсидиялау туралы: «Бюджет қаражаты жоғалып кетіп жатыр»

Қазақстан Президенті Қ.Тоқаев Екібастұздағы моноқалаларды дамыту мәселелері жөніндегі кеңесте Ауыл шаруашылығын субсидиялау мәселесін көтерді. Мемлекет басшысы Сыбайлас жемқорлыққа қарсы қызметке осы салаға талдау жасауды тапсырды, деп хабарлайды World of NAN informburo-ға сілтеме жасап.

«Соңғы бес жылда бұл мақсатқа 2 трлн теңгеден астам қаржы бөлінді. Нәтижесінде не болды? Бюджет қаражаты жоғалып кетіп жатыр, оларды пайдалануға бірыңғай бақылау жоқ. Елеулі экономикалық тиімділік те жоқ», - деді Мемлекет басшысы.

Президент сыбайлас жемқорлыққа қарсы қызметке прокуратурамен және басқа да органдармен бірге осы салаға кешенді талдау жүргізуді тапсырды. Бұған қоғам мен аграршыларды өздерін тартылсын.

Сондай-ақ, Қасым-Жомарт Тоқаев Қазақстанда трансшекаралық өзендердің, әсіресе Сырдария, Орал және Іле өзендерінің экологиялық жай-күйінің апатты түрде таяздануы мен нашарлауы байқалып отырғанын атап өтті. Бұл көп жағдайда көрші елдерден келетін су көлемінің төмендеуіне байланысты.

«Су тұтыну тәсілдерін, оның ішінде жаңа технологиялар мен цифрландырудың көмегімен түбегейлі өзгерту қажет. Бұл бірінші кезекте өнеркәсіп пен ауыл шаруашылығына қатысты. Су объектілерінің экожүйелерін сақтау және ресурстарды ұқыпты пайдалану үшін мен 120 арнаны қайта жаңартуға кірісуді және 9 жаңа су қоймасын салуды тапсырдым. Бұл маңызды бастама белгілі бір дәрежеде басқа елдерден келетін суға тәуелділікті азайтуға мүмкіндік береді», - деді Қазақстан Президенті.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.