Агробанкте толыққанды банкке тән ерекшеліктер болмайды

Қазақстан Республикасы Ұлттық банкінің төрағасы Тимур Сүлейменов елімізде ауыл шаруашылығы банкін құру бастамасы туралы айтты. Бұл жөнінде World of NAN порталы inform.kz сайтына сілтеме жасай отырып хабарлайды.

Оның айтуынша, егер аграрлық банк тек ауыл шаруашылығын несиелейтін болса, оның толыққанды банкке тән қасиеттері болмайды.

«Салымшылар әртараптандырылған, әмбебап банкке қарағанда, ауыл шаруашылығындағы тәуекелдер әлдеқайда жоғары екенін түсінеді. Сондықтан бізге банк идеясының өзі жеткіліксіз дамыған сияқты», - деп атап өтті Тимур Сүлейменов.

Оның ойынша, мәселені тек институттық өзгерістер арқылы шешуге болмайды. Бірдеңе керек болса, холдинг құрдық, тағы да бірдеңе керек болса, банк құрып келдік.

«Бізге тереңдеп, қазіргі жүйеде ненің жұмыс істемейтінін қарастыруымыз керек. Бұл «Қолдау» жүйесіне қатысты мәселе болса, оны өзгертейік, егер бұл нақты шаруаларға ақша тарту, ірі шаруашылықтардағы шоғырлануды азайту мәселесі болса, бұл басқа мәселе», - деп қосты Ұлттық банк басшысы.

Ол Үкіметтің ұсыныстарына байланысты Ұлттық банк ауыл шаруашылығын қаржылық және қаржылық емес қолдау бойынша өз ұстанымын айтуға дайын екенін атап өтті.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.