«Үлкен жетілік» елдері Орталық Азияның инфрақұрылымына $200 млрд салуға дайын

«Үлкен жетілік» елдері Орталық Азиядағы инфрақұрылымдық жобаларға 200 миллиард АҚШ долларға дейін инвестиция салуға дайын және мұндай жобаларды жүзеге асырудың негізгі бағыттарының бірі – Қазақстан. Мұндай мәлімдемені АҚШ-тың «Жаһандық инфрақұрылым және инвестициялық серіктестік» бағдарламасының арнайы үйлестірушісі міндетін атқарушы Хелайна Маца жасады, деп хабарлайды World of NAN.

«KAZAKH INVEST» ҰК» АҚ баспасөз қызметі хабарлағандай, Сыртқы істер министрінің орынбасары Назира Нұрбаева жаһандық серіктестік бағдарламасының өкілі Хелайна Мацамен кездесу өткізді.

G7 «Жаһандық инфрақұрылым және инвестициялық серіктестік» бағдарламасы дамушы елдердегі инфрақұрылымдық жобаларға 2027 жылға қарай 600 миллиард АҚШ долларын инвестиция салуды көздейді.

Сұхбат барысында Н.Нұрбаева Қазақстанның көлік инфрақұрылымын, оның ішінде Ақтау және Құрық теңіз порттары арқылы дамыту, таза энергия өндіру, маңызды пайдалы қазбалар мен ауыл шаруашылығы өнімдерін өндіру салаларындағы жобаларды іске асыру перспективалары туралы айтып берді. Министрдің орынбасары Орталық Азия өңірінің осы салалардағы ұзақ мерзімді серіктестік үшін зор әлеуеті бар екенін атап өтіп, Қазақстанның ортақ мақсаттарға жету үшін АҚШ-пен ынтымақтасуға дайын екенін білдірді.

Өз кезегінде Х.Маца «Үлкен жетілік» елдері Орталық Азиядағы инфрақұрылымдық жобаларға 200 миллиард АҚШ долларға дейін инвестиция салуға дайын екенін және мұндай жобаларды жүзеге асырудың негізгі бағыттарының бірі – Қазақстан екенін атап өтті.

Бағдарламаның негізгі мақсаты – Еуропалық нарықтарға одан әрі шығу арқылы Орталық Азия елдері арасындағы сауда қатынастарын кеңейту арқылы әлемдегі азық-түлік және энергетикалық қауіпсіздікті қамтамасыз ету үшін жеткізу тізбегін нығайту және әртараптандыру.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.