Елордада бағаны тұрақтандыру мақсатында 10 мың тонна ұн сатып алынады

Нұр-Сұлтан қаласы әкімдігі жанындағы комиссия отырысында жеңілдетілген несие беру аясында ірі ұн өндірушілермен келісім-шарт жасалды, деп хабарлайды елорда әкімінің баспасөз қызметіне сілтеме жасап World of NAN.

Жаңа қарыздар бойынша 10 мың тонна ұнға, ал жыл соңына дейін 5 мың тонна ұнға бағаны тұрақтандыру жоспарлануда. Осылайша, ұн қаланың ірі наубайханаларына 1-ші сұрыпты ұннан жасалған нан бағасын тұрақтандыру үшін жеткізілетін болады. Бүгінгі күні шарттар жасалған, кепілдікті қамтамасыз етуді ресімдеу бойынша жұмыстар жүргізілуде.

Әлеуметтік маңызы бар азық-түлік өнімдерінің бағасын тұрақтандыру мақсатында елорда әкімдігі «айналым тетігі» жобасы, тұрақтандыру қорын қалыптастыру, маусымдық жәрмеңкелер өткізу бойынша жұмыстар жүргізу үстінде. Сонымен, ағымдағы жылы «айналым тетігі» жобасы жалғасуда. Жобаға қатысушылардың саны артты, сондай-ақ сауда желілеріне азық-түлік сатып алуға бөлінетін сома ұлғайтылды. Сауда желілеріне қосымша 2 млрд 700 млн теңге бөлінетін болады. Тәтті тағамдар, көкөніс, ет және сүт өнімдеріне бірқатар өндірушілермен және жеткізушілермен шарттар жасалды, оның ішінде шамамен 14 мың тонна көкөніске келісімшарттар жасалды. Көкөністерді, ұнды, сиыр етін және т. б. қосымша сатып алу мәселесі пысықталуда.

Сонымен қатар, тартылған инвестициялар есебінен елордада 3 көтерме-тарату орталығы мен екі жылыжай кешенінің құрылысы жүргізілуде.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.