Бір жыл ішінде азық-түлік бағасы 6,3% қымбаттады

Шенеуніктер бағаның тұрақтанғаны туралы қуана хабарлағанымен, азық-түлік инфляциясы қазақстандықтарды күйретіп жатыр, деп хабарлайды World of NAN.

Energyprom.kz мониторинг агенттігінің мәліметінше, Ақтөбе облысынан басқа барлық аймақтарда баға ай сайынғы динамикамен өсті. Жылдық динамика бойынша азық-түлік бағасының ең көп өсуі Ұлытау облысында тіркелді: 9,9%-ға. Азық-түлік бағасы қатты қымбаттаған аймақтардың үштігіне Алматы (8,2%-ға) және Жетісу облысы (8,1%-ға) енді.

Өсімдік тектес өнімдердің ішінде жемістер мен көкөністер бір жылда 3,9%-ға, оның ішінде жаңа піскен жемістер – 16,8%-ға, өңделген және консервіленген жемістер – 3,9%-ға, өңделген және консервіленген көкөністер – 7,9%-ға қымбаттады.

Бұл ретте көкөністер арасында ақ қырыққабат 25,3%-ға қымбаттап, кг-ы 158 теңгеге, сәбіз 20,2%-ға, кг-ы 183 теңгеге, қызылша 2,2%-ға, кг-ы 271 теңгеге дейін қымбаттады. Картоп, пияз, қияр, қызанақ сияқты көкөністер керісінше арзандады.

Сәуір айында сүт өнімдері бір жыл бұрынғыға қарағанда 8 пайызға қымбаттады. Сүттің бағасы 11,4%-ға, сүт консервілері – 7,9%-ға, ашытылған сүт өнімдері – 7,2%-ға өсті. Бір жылда ет және ет өнімдері 5,6 пайызға қымбаттады. Он дана жұмыртқа 559 теңгеге сатылды, бұл өткен жылдың сәуір айымен салыстырғанда 14,4%-ға қымбат.

Бағаның өсу динамикасы халықтың кедейленуіне әкеліп соқтырады, бұл қарқын осылай жалғаса берсе, болашақта Қазақстанда толыққанды тамақтанбайтын адамдар саны артады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.