Маңғыстау облысында астық терминалы іске қосылуда

Облыста 2018 жылдан бері тоқтап тұрған Бейнеу астық терминалының жұмысын қалпына келтіру жұмыстары басталды. Кәсіпорынның жаңа иесі «Евразия Транс Логистик» ЖШС атанды. Бұл жөнінде World of NAN облыс әкімдігіне сілтеме жасай отырып хабарлайды.

Маңғыстау облысының әкімдігі «Халық» қорынан қаржы алып, «Каспий» әлеуметтік-кәсіпкерлік корпорациясымен бірлесе отырып, Бейнеу астық терминалының жұмысын қалпына келтіру және одан әрі жұмыс істеуге бағытталған іс-шараларды үйлестіруді қамтамасыз етеді.

Терминалдың жобалық қуаты бір мезгілде 100 мың тонна астық сақтауды, сондай-ақ тәулігіне 400 тонна ұн өндіруді құрайды. Бұл ретте терминал жылына 25 мың тонна кебек өндіруге мүмкіндік береді. Терминалдың жүк айналымы жылына 2 миллион тоннаны құрауы мүмкін.

Осылайша, нысанның іске қосылуы шет елдерге: Өзбекстан, Тәжікстан және Ауғанстанға экспорт көлемін арттырады. Сондай-ақ ауыл шаруашылығы жануарларын жеткілікті мөлшерде концентратталған жеммен қамтамасыз етуге мүмкіндік береді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.