Жапония Өзбекстанда мал шаруашылығын дамытуға $200 млн бөледі

Жапонияның халықаралық ынтымақтастық агенттігі (JICA) Өзбекстанда мал шаруашылығын дамытуға 200 миллион доллар бөледі, оның 40 миллион доллар былғары және аяқ киім өнеркәсібін несиелендіруге арналған. Бұл жөнінде World of NAN өзбекстандық былғары өндірушілер қауымдастығы - «Узчармсаноаттың» баспасөз қызметіне сілтеме жасай отырып хабарлайды.

Өткен аптада Өзбекстанның былғары, балық өндірушілер қауымдастығы, сондай-ақ банк секторының өкілдері JICA басшылығымен кездесу ұйымдастырып, инвестициялық жобаларды қаржыландыру мен мал шаруашылығы саласын дамыту мәселелерін талқылаған болатын. Осы кездесуде Жапонияның халықаралық ынтымақтастық агенттігінің вице-президенті Сачико Имото ханым елдегі мал шаруашылығы мен тері өңдеу өнеркәсібін дамытуға 200 млн доллар бөлінетінін айтты.

JICA басшылығы «Өзбекстанда мал шаруашылығын дамыту» жобасы аясында 200 миллион доллар бөлінетінін хабарлады. JICA қаражаты мал шаруашылығы, балық және құс шаруашылығы салаларында жұмыс істейтін кәсіпкерлерге жеңілдетілген несие беруге арналған.

Сонымен қатар, 40 миллион доллар тері өңдеу және дайын өнім шығарумен айналысатын кәсіпкерлерге жеңілдікпен несие беру үшін Өзбекстанның тері өнеркәсібін дамытуға бағытталады.

Осы қаражатты пайдалану және жаңа инвестициялық жобаларды жүзеге асыру тиімді болып шықса, мыңдаған адам жұмыспен қамтылып, саладағы өндіріс көлемі, сондай-ақ өңдеуден өткен әрі құны жоғары өнімдерді экспорттау көлемі ұлғаяды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.