Жетісу облысында суармалы егістік жерлердің көлемі ұлғаяды

Биыл Жетісу облысында су үнемдейтін технологияларды қолдану арқылы суармалы жер көлемін 22 мың гектарға жуық ұлғайтып, оны 31,2 мың гектарға жеткізу жоспарланып отыр. Бұл жөнінде World of NAN облыстық әкімдікке сілтеме жасай отырып хабарлайды.

Егістік аумағының ұлғаюына Ақсу өңірінің диқандары қомақты үлес қосады. Биылғы жылы бұл аудандағы 16 шаруа қожалығы 2107 гектар алқапқа су үнемдеу технологиясын енгізіп жатыр, оның 1622 гектарында жаңбырлату, 485 гектарында тамшылатып суару әдісі қолданылуда. Соның бірі – «Жаныс-К» ЖШС, қазірдің өзінде 200 гектардан астам жерге тамшылатып суару технологиясы орнатылып, аграрлық 300 миллион теңге инвестиция құйған.

Биыл Ақсу ауылдық округіне қарасты Шолақөзек ауылында «Жаныс-К» ЖШС 230 гектар жерге тамшылатып суару технологиясын енгізді. Оның ішінде 130 гектарға қант қызылшасы, 100 гектарға асқабақ, күнбағыс, жүгері егілді. «Галбиат Самарқан» ЖШС директорының айтуынша, тамшылатып суару дәстүрлі суару әдістерімен салыстырғанда су шығынын 60 пайызға азайтуға мүмкіндік береді. Сонымен қатар, су әр өсімдіктің тамырына ғана түсетіндіктен, айналада арамшөптер өспейді, олар өздігінен кебеді, яғни оларды жою үшін қосымша құралдар қажет емес. Оң тәжірибені ескере отырып, келесі жылы шаруашылықта су үнемдеу технологиясын қолданатын суармалы жер көлемін тағы 100 гектарға ұлғайтып, осылайша 330 гектарға жеткізу жоспарлануда.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.