Әкімдіктер ауыл шаруашылығына инвестиция тартуға құлықсыз

Ауыл шаруашылығы министрі Айдарбек Сапаровтың айтуынша, 2022 жылы Ауыл шаруашылығы министрлігі мен жергілікті әкімдіктер жалпы сомасы 2,7 трлн теңгені құрайтын 877 инвестициялық жобаның 2025 жылға дейінгі Жол картасын бекіткен. Бұл жөнінде World of NAN порталы министрлікке сілтеме жасай отырып хабарлайды.

«Әрбір жобаны нақты пысықтау барысында жалпы пул әлдеқайда аз екені анықталады. Сұрақ туындайды: жергілікті жерлерде алдын ала тізбе қалай қалыптастырылды? Геосаяси өзгерістер, азық-түлік жүйелерінің тұрақсыздығы, саланың белгілі бір деңгейде қаржыландырылмауы инвестициялық жобаларды іске асыру жөніндегі жоспарларға әсер еткені түсінікті. Бірақ жобалар пулының екі есеге қысқаруы олардың толық өңделмегендігін және кейбір әкімдіктердің осы мәселеге қатынасын көрсетеді», - деді министр.

Вице-министр Әбілқайыр Тамабектің ақпараты бойынша, 2023 жылғы қазанда жобалар пулына ревизия жүргізіліп, оның нәтижелері бойынша бастапқы 877 жобаның ішінен 1,4 трлн теңгенің 632 жобасы іріктелген. Ал қажетті инфрақұрылыммен, жермен және қаржы қаражатымен қамтамасыз етілмеген 1,5 трлн теңгенің 154 жобасы алынып тасталған. 

Осылайша, биыл 354,6 млрд теңгенің 315 жобасын іске асыру жоспарланған. Өңірлердің деректеріне сәйкес, аталған пулдан 182 млрд. теңгенің 224 жобасы пайдалануға берілді. 50%-дан аз орындалу – Абай (20%), Шымкент (35%), Батыс Қазақстан (44%), Ақмола (48%). Ал, Атырау облысында 28 қарашадағы жағдай бойынша АӨК саласында бірде-бір жоба іске асырылмаған.

Әбілқайыр Тамабек жергілікті атқарушы органдардың жергілікті жерлердегі жұмысының әлсіздігін және жобаларды іске асыруға қызығушылықтың жоқтығын айтты.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.