Банктер ауыл шаруашылығынан бас тартуда

Ауыл шаруашылығы секторын несиелендіру бір жыл ішінде 48% - ға қысқарды.

Қаржы ресурстарына қол жеткізу — АӨК тұрақты дамуының маңызды компоненті болып табылады. Қазіргі уақытта аграрлық өндірістің барлық субъектілері қандай болса да жеңілдік қаржыландыруды қажет етеді.

2019 жыл қыркүйек айының соңында екінші деңгейдегі банктердің ауыл, орман және балық шаруашылығына берген несиелерінің сомасы бір жыл ішінде 48,3% - ға қысқарып, 255,1 млрд теңгені құрады, бұл банк секторы тарапынан салаға деген сенімнің төмендігін көрсетеді. Негізінен банктер ірі бизнеске несие көп беруде: заңды тұлғалаға берілген қарыздардың жалпы көлемі барлық үлестің 93,7% құрады. Қаржыландыру үшін шектеудің қосымша факторы - АӨК субъектілерінің көпшілігі үшін орындауға келмейтін кепіл базасының қатаң талаптар болып табылады. Алайда ағымдағы жылдың басымен салыстырғанда берілген кредиттер 12,1% - ға артты.

ҚР Агроөнеркәсіптік кешені ел экономикасында маңызды рөл атқарады. АӨК-ні дамыту Қазақстанның тұрақты дамуына ықпал етеді, сондай-ақ еңбек өнімділігінің өсуіне және халықтың өмір сүру деңгейін арттыруды қамтамасыз етуге ерекше әсер етеді. 2018 жылы Қазақстан экономикасының нақты өсу қарқыны 4,1% - ды құрады. Тұрақты оң динамиканы көрсеткен салалар арасында ауыл шаруашылығы (+3,5%) және азық-түлік өндірісі (+1,6%) бар. Жалпы 2018 жылы ауыл шаруашылығы өнімінің жалпы шығарылымы 4,5 трлн теңгеге жетті, бұл ЖІӨ-нің 7,2% - ын құрайды. Соңғы бес жылда ауыл шаруашылығы өнімдерін өндіру көлемі жылына 3,3% - ға артып отыр. 2019 жылдың он айының қорытындысы бойынша ауыл шаруашылығы өнімдерінің жалпы шығарылымы 4,5 трлн теңгеге жетті, бұл ретте жыл бұрын шығарылған өнім көлемі 3,8 трлн теңгені құрады.

Сонымен қатар, ауыл шаруашылығында еңбек өнімділігі де артып келеді. 2018 жылдың 12 айында сомасы 1,9 млн теңгеге жетті (2017 жылы-1,6 млн теңге). Ағымдағы жылдың екі тоқсанының қорытындысы бойынша өнімділік 527,5 мың теңгені құрады (бір жыл бұрын — 467,4 мың теңге). 2021 жылға қарай ауыл шаруашылығындағы еңбек өнімділігі 3,7 млн теңгеге жетуі тиіс. 2019 жылдың үшінші тоқсанының соңында секторда жұмыспен қамтылғандардың саны 1,2 млн адамды немесе барлық жұмыспен қамтылғандардың 13,6% құрайды.

Айта кетсек, 2018 жылы негізгі ауыл шаруашылығы дақылдарының өнімділігі артты. Мысалы, биылғы жылы бір гектардан 13,5 центнер дәнді және бұршақты дақылдар жиналды (2017 жылы-13,4 ц/га). Сондай-ақ майлы дақылдар, картоп, ашық топырақтағы көкөніс, бақша дақылдары мен қант қызылшасының тұқымдарын жинау ұлғайды.

Агроөнеркәсіптік секторды қолдаудың ірі институты, Қазақстан Республикасының агросекторын дамытудың мемлекеттік саясатын іске асыру мақсатында еншілес ұйымдардың қызметін үйлестіруді жүзеге асыратын "ҚазАгро "ҰБХ" АҚ болып табылады. АӨК кредиттік портфелінде холдинг берген кредиттердің үлесі 2017 жылы 47%-дан 2018 жылы 59,7% - ға дейін артты.

Жалпы, 2018 жылы холдинг отандық агросекторды қаржыландыруға рекордтық қаржы бөлді: 400,1 млрд теңге — өткен жылғы көрсеткіштен 33% - ға артық.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.