Су мәселесін шешуге 220 млрд теңгеден астам қаржы жұмсалмақ

Қазақстан су ресурстарынан айтарлықтай шығынға ұшырап жатыр. Орташа есеппен, 2020-2022 жылдар аралығында магистральдік каналдар арқылы тасымалдау кезінде ағып кетудің үлесі - 19,8%, сондай-ақ ескірген суару әдістерінің кесірінен ағып кету - 40% болды. Бұл туралы World of NAN порталы lsm.kz сайтына сілтеме жасай отырып хабарлайды.

Ресурстың ең тиімсіз пайдаланылуы суармалы егіншілікте байқалады. Сондықтан проблемаларды шешу үшін халықаралық қаржы ұйымдарының қарыз қаражаты есебінен бірқатар жобалар жүзеге асырылып жатыр.

Қазіргі уақытта Алматы және Түркістан облыстарында жалпы ауданы 136,8 мың гектарды құрайтын суару және дренажды қалпына келтіру жұмыстары жүргізілуде. Жобалардың құны 53,2 млрд теңгені құрайды.

Сондай-ақ Ақтөбе, Жамбыл және Түркістан облыстарында жалпы суару алаңы 92,7 мың га су шаруашылығы және суару жүйелерін қайта жаңғырту жұмыстары жүргізіліп келеді. Бұл жұмыстарға 60,9 млрд теңге жұмсалады.

2025 жылға дейін Сырдария, Талас, Шу және Іле трансшекаралық өзендерінің бассейндеріндегі аумақтардың жағдайын жақсарту үшін суландыру және дренаж жүйелері жетілдірілетін болады. Қаржыландыру көлемі 106,9 млрд теңгені құрайды. Жоба аясында 105,1 мың гектар аумақта тозығы жеткен жүйелер қайта жаңғыртылады. Қазіргі таңда 11 жобалық аймақтың ішінде Жамбыл облысында екі нысан пайдалануға берілді, 10 мың гектар суармалы жердің сумен қамтылуын жақсартуға жағдай жасалды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.