Фермерлер жалдау мерзімін ұзарту кезінде жерінің бір бөлігін жоғалтуы мүмкін

Сенатор Талғат Жүнісов жерді пайдалануды құқықтық реттеу жүйесіндегі түйткілді мәселені көтерді, деп хабарлайды World of NAN.

Бұған дейін жер тапшылығы мәселесін шешу мақсатында фермерлерге жалға берілетін жер телімдерінің шекті мөлшері белгіленген болатын. Алайда қазір бұл ережелер жер көлемі белгіленген шектен асып кеткен фермерлерге кері әсерін тигізіп отыр. Фермерлер жалдау мерзімін ұзарта алмайды.

«Жер учаскелерінің шекті мөлшері туралы талап Үкіметтің осы шешіміне дейін жер аумағына иелік еткен адал жер пайдаланушыларға қолданылмауға тиіс. Жерді ұзақ мерзімге жалға алуды ұзарту барысында белгіленген шекті мөлшерден асатын жер учаскелерінің бір бөлігін алып қоймай жүзеге асуы тиіс», - деді сенатор.

Оның пікірінше, бар кедергілерді дер кезінде алып тастау қажет, атап айтқанда, Үкіметтің қолданыстағы қаулысына тиісті толықтыру енгізу және ауыл шаруашылығы тауарын өндірушілерге тиімді жұмыс істеуге мүмкіндік беру керек.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.