Фермерлер: үкімет президенттің тапсырмасын орындап жатқан жоқ

Қостанай облысының ауыл шаруашылығы тауар өндірушілері қауымдастығының өкілі Светлана Михайленко импорттық техникаға субсидияларды азайту өнімділікке тікелей әсер ететінін атап өтті. Бұл жөнінде World of NAN порталы Ұлттық Кәсіпкерлер Палатасына сілтеме жасай отырып хабарлайды.

Сонымен қатар, мемлекеттік қолдаудың уақытылы көрсетілмеуі, субсидиялау жүйесінің жетілдірілмегендігі, атап айтқанда, ережелердегі өзгерістер дамуға ерекше әсер етуде. Өндірісті әртараптандыру туралы хабар да диқандарды ызаландырып отыр. Қазіргі өңдеу жүйесі майлы, бұршақ және басқа да дақылдарды қабылдауға дайын ба? Элеваторлар мен теміржол дайын ба? Фермерлерді осындай сауалдар алаңдатып отыр.

«Сұрақ туындайды: бірінші кезекте не керек – өнеркәсіптегі өнімділікті арттыру ма, әлде агроөнеркәсіп кешені есебінен ауыл шаруашылығы машинасын жасауды арттыру ма? Ауыл шаруашылығы министрлігінен өнімнің қажеттілігі, нені егу керектігі туралы нақты нұсқаулар, өнімділікті арттыруға әкелетін іс-шаралар жоспарын көргіміз келеді. Қазіргі уақытта ұрандар бар, бірақ жұмысқа құрал жоқ», - деп атап өтті Светлана Михайленко.

Фермерлер ел президенті қойған міндеттерге сәйкес әрекет етуді сұрап, президенттің инвестиция аздығы ауыл шаруашылығы техникасының тозуына, өнімділіктің төмен болуына, еңбек өнімділігінің төмендеуіне әкелетінін айтқанын еске салады. 

«Ережеге енгізілген жаңа түзетулердің негізінде біз импорттық техникаға мемлекеттік қолдаудың қысқарғанын көріп отырмыз», - деп қосты фермер.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.