Фермерлер несие алу үшін кепілдік жүйесін қайтаруды сұрайды

Батыс Қазақстан облысының фермерлері несие беру жүйесіндегі кемшіліктерді айтты. Бұл туралы World of NAN Ұлттық кәсіпкерлер палатасына сілтеме жасай отырып хабарлайды.

Атап айтқанда, фермерлер ауылдық жерлерде кәсіпкерлікпен айналысатын несие алушыларға кепілдік беру тетігінің жоқтығына тоқталды. Бұған дейін «ҚазАгроКепіл» ұйымы аймақтық кәсіпкерлердің мүддесі үшін екінші деңгейлі банктерге кепіл болып келсе, оның қызметі тоқтағандықтан ауыл фермерлері несиелеуде қиындықтарға тап болды. Сондықтан олар бұл жүйені қайтаруды сұрайды.

Сонымен қатар фермерлер субсидияның ұзақ кешіктірілетінін айтып, субсидиядан бас тартуға шақырды. Бұл жерде сөз Агробизнес бағдарламасындағы 22 пайыз несиенің мемлекет субсидиялайтын 16 пайызына қатысты болып отыр.

«Субсидиялар ұзақ кідіріспен беріледі, ал қарыз алушылар толық соманы төлеуі керек, бұл қолма-қол ақшаның жетіспеушілігіне әкеледі. 6 пайызбен несие беріп, субсидиядан бас тартқан дұрыс», - деді «Өнім» шаруа қожалығының басшысы Жолдас Байқатов.

Сондай-ақ, AQJAIYQ ӘКК жұмысына да сын айтылды, бұл ұйым өтініштерді қарау мерзімдерінің бұзылуына жол беріп, нәтижесінде кәсіпкерлер субсидияларды ұзақ уақыт кешіктіріп алады. Сонымен қатар, ӘКК кепілге қойылған мүліктің бағасын айтарлықтай төмендетеді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.