Фермерлер мал шаруашылығының толық циклі бар ауылшаруашылық кластерін құрды

Жетісу облысының Алакөл ауданында 69 мың гектар аумақта мал шаруашылығының толық циклі бар ауылшаруашылық кластері қалыптасты. Онда малды репродукциялау, өсіру және бордақылау жүзеге асырылады деп хабарлайды World of NAN.

Мал басын көбейтумен 3 мың бас асыл тұқымды малға арналған «Шынжылы» шаруа қожалығы айналысады. Өсіруді «Арқарлы-Майбүйрек» ЖШС қолға алған. «Қайыңды» ЖШС-ында 5 мың бас ірі қара малға арналған бордақылау алаңы және тәуліктік қуаты 700 бас қой және 60-120 бас ірі қара немесе жылқы болатын ет комбинаты бар. Бұл ретте кәсіпорын тәуліктік қуатты 25 мың басқа дейін арттыруға дайын. «Алакөл агро» ЖШС 5 жыл бойы өнеркәсіптік ауқымда етті қой тұқымын жақсарту бағытында жұмыс атқаруда. 50 мың ұсақ малға арналған бордақылау алаңын салу жоспарланған.

«Алакөл агро» директоры Өмірбек Ахметовтің айтуынша, жайылымдық бағу арқылы олар малдың тәулігіне 1,2-1,5 келі, жалпы алғанда 200-250 келі салмақ қосуына қол жеткізген. «Жайылымға мал 350-400 келі салмақпен шығып, жаз бойы 200 келіге дейін жинайды, қалған 150 келісі қорада бордақылау есебінен жиналады», — деп атап өтті ол.

Кәсіпорынның жеке оқу орталығы да бар, ғалымдар малшылармен бірлесе отырып, көп жылдар бойы ірі және ұсақ малдың тұқымын жақсарту бағытында еңбек етіп келеді. Олар өз білімдерін бүкіл елдегі ауыл шаруашылығының игілігіне жұмыс істеуі үшін мемлекеттік ғылыми институттармен бөлісуге дайын.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.