Илон Маск фермерлерге көмектесетін бірегей құрылғы жасап шығарады

Илон Маск елдердегі нақты ауыл шаруашылығы өндірісі туралы ғарыштық деректерді беруге уәде берді. Бұл туралы World of NAN порталы International Bussines Times басылымына сілтеме жасай отырып хабарлайды.

Илон Масктың SpaceX және Ларри Эллисонның Oracle компаниялары ауылшаруашылық өндірісін жоспарлау және болжау мақсатында ауыл шаруашылығына бағытталған жасанды интеллект құралын әзірлеу үшін бірігіп жатыр.

Жасанды интеллектпен жұмыс істейтін құрал әлем елдерінің ауылшаруашылық қызметін визуализациялауына және бақылауына мүмкіндік беретін (мысалы, әр мемлекет не өсіріп жатқаны, т.б.) егжей-тегжейлі ауылшаруашылық карталарын жасайды.

Сонымен қатар, Oracle атқарушы төрағасының айтуынша, құрал су мен азот құрамын далалық талдауды оңтайландыру арқылы фермерлерге өнімділікті арттыруға көмектесуде маңызды рөл атқара алады.

SpaceX ферма жабдықтарын өндіруші John Deere компаниясымен серіктестік орнатып, биылғы жылы фермерлерге Starlink спутниктік интернетін қамтамасыз етіп, John Deere агротехнологияларының жиынтығын пайдалануға мүмкіндік берді.

John Deere компаниясының техникалық директоры Джами Хиндман фермерлер үшін операциялық тиімділікті арттыруда Starlink қосылымының маңыздылығын атап өткен.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.