Ирандық жемістер мен көкөністер Қазақстан нарығына ағылады

Еуразиялық экономикалық комиссия ирандық тараппен «Еуразиялық Агроэкспресс» жобасын әзірлеп жатыр. Бұл туралы World of NAN экономикалық комиссияның баспасөз қызметіне сілтеме жасай отырып хабарлайды.

Жоба ЕАЭО өнімдерін Иранға жеткізуді, сондай-ақ ирандық көкөністер мен жемістерді одақ елдерінің нарығына ауқымды тасымалдауды ұйымдастыруды көздейді. Тиісті өнімдер бүгінде дүкен сөрелерінде. Дегенмен «Еуразиялық Агроэкспресті» қолдану арқылы ауылшаруашылық өнімдері сапалы әрі делдалдардың аз қатысуымен тезірек жеткізіледі.

«Біз ірі ирандық холдингпен өзара іс-қимылды ұсынамыз, ол жобаға тікелей кіре алады немесе сіздің ауылшаруашылық өндірушілеріңізді Иранға жеткізуді және біздің өнімдерді кері бағытта экспорттауды ұйымдастыру үшін «бір терезе» рөлін атқара алады», - деді Иран Ислам Республикасының Ауыл шаруашылығы министрінің бірінші орынбасары Алиреза Пейман-Пак.

Бұл ретте комиссия өзара есеп айырысу, ветеринарлық және фитосанитарлық бақылау және Иран арқылы Парсы шығанағы елдері мен Үндістанға транзиттік тасымалдау мәселелерін шешуді ұсынады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.