Қазақстан Ауғанстанға астық пен ұн жеткізуді арттырады

Қазақстан Премьер-Министрінің орынбасары Серік Жұманғарин Ауғанстан Премьер-Министрі Абдул Ғани Барадармен кездесті. Кездесу аясында қазақстандық тарап Ауғанстанға қазақстандық астық пен ұн жеткізу көлемін ұлғайту үшін Бейнеу терминалының қуатын қарастыруды ұсынды. Бұл туралы World of NAN Үкіметке сілтеме жасай отырып хабарлайды.

«Бүгінде Қазақстан Ауғанстанның он негізгі сауда серіктесінің бірі болып табылады. Сіздің ел дәстүрлі түрде қазақтың астығы мен ұнын импорттайды. Қазақстан Ауғанстан нарығына осы тауарларды сенімді жеткізуші болып қала береді деп сендіре аламын», – деді Серік Жұманғарин.

Бейнеу терминалы Маңғыстау облысының аумағында орналасқан, Қазақстан-Түрікменстан шекарасына тікелей шығу мүмкіндігі бар. Терминалда барлық қажет өндірістік инфрақұрылым бар. Ол өнімді әрі қарай экспортқа тасымалдау үшін жерүсті ауыстырып тиеу қоймасының терминалы қызметін атқаруға қабілетті. Терминалдың қуаттылығы айына 100 мың тоннаға дейін астық, 12 мың тонна ұн және 3 мың тоннаға дейін жем жөнелтуге мүмкіндік береді.

Сондай-ақ Қазақстан тарапынан Қытайдан Қазақстан арқылы батысқа ғана емес, Ауғанстан арқылы Пәкістан мен Үндістан бағытында жүк тасымалдауға мүмкіндік беретін трансауғандық темір жолдарды салу туралы ұсыныс та айтылды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.