Қазақстандық диірменшілерді құтқару керек

Өткен 2023 жылы бидай ұнының экспорты 23%-ға қысқарды. Сенат депутаты Сұлтан Дүйсембинов мұны ұн мен астық жеткізуге тең қолжетімділікпен байланыстырады, деп хабарлайды World of NAN.

«Қазақстан Орталық Азия елдері мен Ауғанстанның ішкі нарығына тең қолжетімділік негізінде бидай мен ұн жеткізеді. Біздің бидайды импорттайтын елдер тарифтік емес сауда шектеулерін жасап, ал ұнның импортын тежеп, өздерінің өңдеу өнеркәсібін дамытуда», - деді сенатор.

Мысалы, Өзбекстанда импорттық астықтың баж салығы - 0%, ал импорттық ұнның баж салығы - 10% құрайды.

«Осының салдарынан Қазақстаннан Өзбекстанға ұн экспорты үш есеге, яғни 1 миллион 300 мың тоннадан 420 мың тоннаға дейін қысқарды. Бидай дәнінің экспорты осы кезеңде 658 мың тоннадан 3 миллион тоннаға дейін – 4,5 есеге өсті. Мұндай жағдай көршілес Орталық Азия елдерінде де қалыптасқан», - деп атап өтті депутат.

Мәселені шешу үшін ол Премьер-Министрге экспорттық өнімнің ҚҚС-ын жеңілдетілген автоматты қайтаруды қамтамасыз етуді және саудада тарифтік шектеулердің айналық шараларын енгізуді ұсынды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.