09.09.2020
1 мин
433

Ауыл шаруашылығы министрлігі астық экспортын шектемейді

Ауыл шаруашылығы министрлігі астық экспортын шектемейді

Қазақстан Ауыл шаруашылығы министрлігі әлемде эпидемиологиялық ахуал нашарлаған жағдайда астық экспортына шектеулерді қайта енгізуді жоспарламайды. Бұл туралы брифингте ҚР Ауыл шаруашылығы бірінші вице-министрі Айдарбек Сапаров мәлімдеді.

«Ауыл шаруашылығы министрлігі астық экспортына тыйым салу мәселесін қарастырып жатқан жоқ. Егін жинау өнімнің былтырғыдан төмен емес екенін көрсетті, сондықтан экспорттық әлеуетті сол қалпында сақтаймыз», - деді бірінші вице-министр.

Оның айтуынша, жоспарланған 18 миллион тонна өнім елдің ішкі сұранысын толық қамтамасыз етеді және 7,5-8 миллион тоннасы экспортқа жіберіледі.

Сапаров сонымен қатар Қазақстан Республикасында егін жинау жұмыстары уақытында басталғанын, ал биылғы егін ору науқаны өткен жылмен салыстырғанда жоғары екенін атап өтті. Оңтүстік және батыс облыстардағы дәнді дақылдарды жинау жұмыстары аяқталып келеді.

«Қазіргі таңда алдымызда маңызды міндет тұр, ол- өсірілген өнімді ысырапсыз жинап алу. Тазалау жұмыстарына қажетті барлық жабдықтар уақытында дайындалды. Жұмыс ұзақ уақыт тоқтап қалмас үшін жөндеу тобы құрылды», - деді вице-министр.

Сейсенбі күнгі жағдай бойынша Қазақстанда 12,2 млн тонна астық бастырылды. Жедел мәліметтер бойынша лицензияланған элеваторлар 1,3 млн тонна астық қабылдады. Сақтау үшін алынған 76% - 897 мың тонна жұмсақ бидай 1,2,3 сұрыпты болып табылады. Бұл қалыпты көрсеткіш болып саналады.

Сонымен қатар, Айдарбек Сапаров Қазақстанға құжатсыз келетін «сұр астықты» Ресейден импорттау мәселесіне қатысты пікірін айтты.

«Жыл басынан бері біздің инспекторлар Қазақстан мен Ресей шекарасындағы азық өткізу бекеттерінде тұрды, олардың көлік құралдарын тоқтатуға және тексеруге өкілеттігі бар. Егер астықтың құжатсыз тасымалданғаны анықталса, онда ол кері қайтарылады. Жыл басынан бері 2 мыңға жуық заң бұзушылық анықталды, біз 730 тонна астықты қайтардық», - деді А.Сапаров.

Оның айтуынша, орташа есеппен Ресейден жылына 300 мың тоннаға жуық астық импортталатындығын жеткізді.

Ақпарат көзі: eldala.kz