Тасқын судан өлген малдың саны 8 мыңға жетті

88 мыңнан астам ауыл шаруашылығы жануарлары апат аймағынан қауіпсіз жерге айдалды. Бұл туралы World of NAN порталы Ауыл шаруашылығы министрлігіне сілтеме жасай отырып хабарлайды.

Өлген малдың негізгі бөлігін ұсақ мал құрады – 6 мың бас. Одан бөлек 1,5 мың бас ірі қара, 514 бас жылқы суға кеткен. Бүгінгі таңда 4,1 мың бас мал утилизацияға жіберілді.

Республикалық штаб өлген мал иелеріне өтемақы төлеу алгоритмін бекітті. Меншік иелерін анықтау, залалды анықтау және басқа да осыған байланысты мәселелерді шешу үшін өңірлерде жергілікті атқарушы органдардың жанынан комиссиялар құрылды.

Су тасқыны салдарынан өлген малдың иелері жануар туралы мәліметтерді көрсете отырып, жергілікті комиссияға өтініш беруі керек. Ауыл шаруашылығы жануарларына меншік құқығы комиссиялардың актілерімен расталады.

Меншік иелеріне өтемақы мөлшері Ұлттық статистика басқармасы жариялаған жануарлардың түрлері мен жас-жынысы топтары бойынша нарықтық құны туралы деректер негізінде айқындалады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.