Жылына 200 миллион жұмыртқа өндіретін құс фабрикасы іске қосылады

Түркістан облысында қуаттылығы жылына 200 млн дана жұмыртқа шығаруға жететін зауыт салу жоспарланып отыр. Бұл жөнінде World of NAN облыстық әкімдікке сілтеме жасай отырып хабарлайды.

Осы мақсатта қазіргі таңда Бәйдібек ауданында 100 гектар жер телімі қаралып, есепке қойылып жатыр. «ERNUR» ЖШС-нің жеке инвестициясы есебінен зауыт құрылысы биыл басталады. Жобаның жалпы инвестициялық құны 8 млрд теңгені құрайды.

Қазірдің өзінде Түркиядан 1,5 миллиард теңгеге құрал-жабдықтар сатып алынған. Бұл жабдықты пайдалану арқылы сағатына 20 мың кг жем шығаруға болады. Ал құс фабрикасы 600 мың құсқа есептелген. Жылына 200 миллион дана жұмыртқа өндіріліп, бұл бірінші кезекте ішкі нарықты қамтымақ.

Бұл өте күмәнді жоба, өйткені Қазақстан бүгінде ішкі нарыққа қажет жұмыртқаны 102% өндіріп жүр, ал өндірушілер ауқымын одан әрі кеңейтіп жатыр. Жоба іске қосылса, нарықтағы ұсыныс сұраныстан асып кетуі мүмкін. Ондай жағдайда құс фабрикалары өз өнімін экспорттау үшін жаңа нарықтар іздеуге мәжбүр болады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.