13.07.2020
1 мин
520

Қызылорда облысында күріш алқаптары қурап жатыр

Қызылорда облысында күріш алқаптары қурап жатыр

Қызылорда облысының Шиелі ауданында су тапшылығына байланысты күріш алқаптары қурап жатыр. Бұл туралы облыс әкімінің баспасөз қызметінен хабарлады.

«Бүгінгі таңда Шиелі ауданында су тапшылығы байқалуда, бірқатар ауылшаруашылық кәсіпорындарының дақылдарына суармалы су жетіспеуде. Атап айтқанда, 720 гектар  жерде орналасқан Бестам ауылдық округінің «Бестам елі», «Алтын дән» және «Ақниет-2» шаруа қожалықтарының күріш алқаптарының 115-217 ПК учәскесінде кеуіп кеткен жерлер кездеседі. Шаруашылықтар сорғы-насостарды  орнатқанына қарамастан, олар мәселені толығымен шеше алмады», - деді әкімдік.

Баспасөз қызметінің ақпаратына сәйкес, 11 шілдеде облыс әкімінің орынбасары Бақыт Жаханов, облыстық су мекемесі басшысының орынбасары Ж.Ерназаров және Шиелі ауданының әкімі Қ.Мұбарақов өңірдегі бірқатар шаруашылықтардың жай-күйімен танысты. Аталған сапар нәтижесінде Б.Жаханов «Шиелісушар» өндірістік учаскесіндегі су шаруашылығы компаниясына суару үшін суды тиімді бөлетін болады, сондай-ақ K-1 коллекторларынан Р-12 каналына қосымша сорғылар орнатуды тапсырды.

Сонымен қатар, облыстық су шаруашылығы мекемесі «Қазсушар» мекемесімен бірлесіп, сумен үздіксіз қамтамасыз етудің жолдарын қарастыруда және шұғыл шаралар қабылдануда, деп атап өтті баспасөз қызметі.

Айта кетерлік мәселе, Алматы облысының диқандары егістік  алқапты суаруда қиындықтарға тап болуда.

Ақпарат көзі: eldala.kz