Сенатор топырақты қорғау туралы заң жобасын жасауға шақырды

Оспанов атындағы Қазақ топырақтану және агрохимия ғылыми-зерттеу институтының соңғы агрохимиялық зерттеуіне сәйкес, суарылмайтын жерлерде қарашірік мөлшері аз топырақ - 63%, суармалы жерлерде - 98% құрайды, деп хабарлайды World of NAN.

«Өкінішке қарай, кейінгі жылдары Қазақстанда топырақтану ғылымына өте аз көңіл бөлініп жатыр. Осы уақытқа дейін біздің елімізде Ресей, Өзбекстан, Еуроодақ елдері, АҚШ және Канада сияқты мемлекеттермен салыстырғанда, топырақтың жағдайы мен оның құнарлылығының жағдайы еш реттелмеген», - деп жазды сенатор Зәкіржан Күзиев өз сауалында.

Қазақстанда топырақтағы қарашіріктің орташа өлшенген мөлшері 0,5-1,5% дейін төмендеді, ал оңтайлы қамтамасыз ету 3,5-5% құрайды. Қарашірік құрамын арттыру үшін кем дегенде 50 жыл қажет.

«Осыған байланысты топырақты қорғау туралы заң жобасын әзірлеп, сондай-ақ топырақ жамылғысына кең ауқымды мониторингтік зерттеулер жүргізе отырып, топырақ ресурстарын жедел және мақсатты басқарудың заманауи топырақ ақпараттық жүйесін құруды қамтитын ұзақ мерзімді мемлекеттік ғылыми-мақсатты бағдарламаны қабылдау керек», - деп түйіндеді депутат.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.