Көлеңкелі импорт: фермерлерге қарсы 12 қылмыстық іс қозғалды

Павлодар облысында шаруа қожалықтарына қатысты 12 қылмыстық іс қозғалды. Көлеңкелі астық импортынан келген шығын көлемі төрт миллиард теңгеден асты. Бұл туралы World of NAN порталы inform.kz сайтына сілтеме жасай отырып хабарлайды.

4,1 миллиард теңгеден астам залал анықталған он қылмыстық іс сотқа жолданды.

«Сұр астық сырттан үлкен көлемде әкелінеді. Осыған беймаза жергілікті кәсіпкерлер құмар. Бұл астықтың шығу тегін беру үшін Қазақстаннанбыз деген желеумен жалған шот-фактуралар жазып, қылмыстық әрекетке барып жүр. Соның салдарынан отандық тауар өндірушілер зардап шегіп отыр», - деп түсіндірді Павлодар облысы бойынша Экономикалық тергеп-тексеру департаментінің басшысы Ерік Есенов.

Мұндай алаяқтық үшін нақты жаза тағайындалады. Мәселен, бір шаруа қожалығының басшысы жалған шот-фактуралар жазып, 50 миллион теңге қылмыстық кіріс алған. Бұл ақшаға ол автокөлік пен элиталық тұрғын үй кешенінен пәтер сатып алды. Сот үкімімен ол кінәлі деп танылып, мүлкі тәркіленіп, үш жылға бас бостандығынан айырылды. Ал мұндай мысалдар өте көп.

2024 жылдың басынан бері Қылмыстық кодекстің 216-бабы бойынша 16 қылмыстық іс тіркелсе, оның 2-і бойынша сот өндірісінде. Ал өткен жылы жұмыстарды нақты орындамай, қызмет көрсетпей, тауарды жөнелтпей шот-фактураларды беруге байланысты 30 құқық бұзушылық анықталды. Келтірілген шығын 6,3 млрд теңгені құрады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.