Ғалым Қазақстан климатына бейімделген қияр сортын жасап шығарды

Zhubanov University ғалымы, биология ғылымдарының кандидаты, доцент Әлия Базарғалиева Алматыдағы Қазақ бау-бақша ғылыми-зерттеу институтымен бірлесе үш жылдан бері ғылыми-зерттеу жұмыстарын жүргізіп келеді. Бұл туралы World of NAN ғылым министрлігіне сілтеме жасай отырып хабарлайды.

«Біз қиярдың жергілікті климатқа бейімделген сорттарын жасап шығардық және Ақтөбе облысының агроэкологиялық жағдайында қиярдың 5 сортын өсіру бойынша сынақтарды сәтті аяқтадық», - деп түсіндіреді ғалым.

Ғалымдар қияр сорттарын арнайы талаптарға сай дәмдеу процедураларын жүйелі түрде жүргізді. Экологиялық сорт сынау нәтижесі Ақтөбенің табиғи жағдайына ең төзімді қияр сортын анықтауға мүмкіндік берді.

Қазақстан Республикасы Әділет министрлігінің «Ұлттық зияткерлік меншік институтының» шешімімен селекциялық жетістік үшін «Әлия Молдағұлова» егістік қиярының 100% таза желілік сортына патент берілді.

«Бұл көптен күткен қуанышты нәтиже. Біздің жаңа міндетіміз – нарық сұранысына сай сапалы тұқымды көбейтіп, өндіріске енгізу, қажет болған жағдайда ғылыми-әдістемелік қолдау көрсетіп, қиярдың патенттелген жаңа сортының тұқым шаруашылығын қолға алу», – дейді Әлия Базарғалиева.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.