04.09.2020
1 мин
514

Қазақстан және АҚШ Ауыл шаруашылығы министрліктерінің өкілдері мал шаруашылығы саласындағы ынтымақтастық мәселелерін талқылады

Қазақстан және АҚШ Ауыл шаруашылығы министрліктерінің өкілдері мал шаруашылығы саласындағы ынтымақтастық мәселелерін талқылады

Қазақстан Республикасының Ауыл шаруашылығы министрлігі және АҚШ мемлекетінің уәкілетті органы телеконференция өткізді, онда мал шаруашылығындағы биологиялық қауіпсіздік мәселелері бойынша ынтымақтастық мүмкіндігі талқыланды.

Америка елінің өкілдері қауіпті ауруларды анықтау және диагностикалау дағдыларын арттыру үшін ветеринарлық мамандарды оқытуды қарастыратын «Биологиялық қауіпті азайту бағдарламасы» аясында ынтымақтастықты ұсынды.

Атап айтқанда, ветеринариялық мамандар мен малшыларды оқыту, ветеринариялық бейіндегі оқу бағдарламаларын және кәсіби лицензиялау жүйелерін әзірлеу, тұрақты даму бойынша семинарлар өткізу, аса қауіпті патогендерден туындаған ауруларды анықтау және диагностикалау бойынша оқу материалдарын жаңарту және тарату мәселелері талқыланды.

Сонымен қатар, АҚШ тарапы қазақстандық мал өсірушілерге ДДҰ/ХЭБ/ФАО-мен үшжақты ынтымақтастық негізінде аса қауіпті патогендер бойынша есептілікті анықтау, диагностикалау және ұйымдастыру үшін «Бірыңғай ұлттық денсаулық» құрылымын әзірлеуге және институционализациялауға жәрдем көрсетуге дайын.

Ақпарат көзі: www.gov.kz/memleket/entities/moa