Үсік Ресейдің алдағы астық түсіміне зиянын тигізді

Мамыр айында жауған қар мен күннің күрт суынуы көрші елдің оңтүстік және орталық облыстарына көбірек шығын әкелді, өйткені ол аймақтарда вегетациялық кезең басталып кеткен, деп хабарлайды World of NAN.

Ресей Федерациясының бірқатар субъектілерінде, соның ішінде Ростов облысында мамыр айының басында болған аяздың салдарынан ауыл шаруашылығы дақылдары мен жеміс-жидек екпелерінің зақымдануы тіркелді (облыстың әртүрлі бөліктерінде түнде температура 0-ден -10°C дейін түсті).

Күздік дәнді дақылдар аязға төзімді, бірақ сәуір айында өсімдіктердің жылдам өсуіне және жапырақ массасының өсуіне ықпал ететін жоғары температура режимі байқалған еді. Осының салдарынан өсімдіктерді теріс температура әсерінен зақымданудан сақтайтын қант мөлшері азайып, өсімдік жасушаларында сұйықтық мөлшері көбейген.

Жаздық дәнді дақылдар да өніп шыққаннан бастап өңдеуге дейінгі кезеңде төмен температураға төзімсіз. Аяз келген сәтте ерте егіс алқаптарында өркен пайда болған еді. Ерте егілетін техникалық дақылдар (күнбағыс, жүгері) және бұршақ дақылдары да аяздан зардап шекті.

Көрші елдің бірнеше өңірінде төтенше жағдай жарияланды. Қанша егіннің зардап шеккені әзірге белгісіз. Дегенмен мамандардың айтуынша, ең көп шығын бағбандар мен көкөніс өсірушілерге тиесілі.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.