Еуропалық Комиссияға мал шаруашылығы өнімдерінің нарығын ашу ұсынылды

Ауыл шаруашылығы өнімдері үшін сауда кедергілерін жою мәселесін Ауыл шаруашылығы министрі Айдарбек Сапаров Еуропалық Одақтың ауыл шаруашылығы комиссары Януш Войцеховскиймен талқылады. Бұл жөнінде World of NAN Ауыл шаруашылығы министрлігіне сілтеме жасай отырып хабарлайды.

2023 жылдың қорытындысы бойынша Қазақстан Еуроодақ елдеріне 650 мың тонна бидай экспорттады. Қазақстаннан зығыр тұқымының жалпы экспортының 20%-ы, рапстың 79%-ы Еуропалық Одақ елдеріне тиесілі.

Сондай-ақ бүгінде балық өңдеумен айналысатын 18 кәсіпорын жоғары талаптарға сай және Еуропалық Одақ елдеріне балық өнімдерін экспорттау құқығын иеленді. 2023 жылы Қазақстан ЕО елдеріне (Германия, Нидерланды, Дания, Литва және т.б.) жалпы сомасы 60 миллион АҚШ долларынан астам 11 мың тонна балық экспорттады.

Сапаров Еурокомиссияға мал шаруашылығы өнімдерін, бал жеткізу және балық өнімдерін жеткізуді арттыру мәселелері бойынша жұмыс істеуді ұсынды.

Януш Войцеховский қазақстандық тарапқа ЕО-мен ынтымақтастыққа ашық көзқарасы үшін алғыс айтып, мәселелерді пысықтау үшін техникалық кездесулер қажет екенін, мұнда ЕО-дан шошқа еті мен құс етін жеткізу мәселесін де қарастыру қажеттігін атап өтті.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.