Жамбыл облысында минералды тыңайтқыштар зауытын салады

Ресейлік компания Жамбыл облысында минералды тыңайтқыштар шығаратын зауыт салады, деп хабарлайды World of NAN Парламенттің баспасөз қызметіне сілтеме жасап.

Кеше Мәжілістің жалпы отырысында депутаттар «Минералды тыңайтқыштар шығару зауытын салу және пайдалану» жобасын іске асыру туралы Қазақстан мен Ресей арасындағы Келісімді ратификациялау туралы заң жобасын мақұлдады.

«Келісім Жамбыл облысында фосфат шикізатын өндіруден бастап экспортқа бағдарланған өнім-минералдық тыңайтқыштар мен ілеспе индустриялық өнімдер шығаруға дейінгі толық өндірістік циклі бар инновациялық химиялық кешеннің құрылысы мен пайдаланылуын қамтамасыз ететін қажетті инвестициялық және нормативтік-құқықтық жағдайлар жасауды көздейді», – деп атап өтті Қазақстанның Индустрия және инфрақұрылымдық даму министрі Бейбіт Атамқұлов.

Сонымен, жоба екі кезеңде жүзеге асырылады. Бастапқы кезең аяқталды: жылына 660 мың тоннаға дейін фосфорит өндіру жолға қойылған тау-кен кешені пайдалануға берілді, қуаты жылына 640 мың тонна орташа ұсақтау және ұсақ ұнтақтау торабы салынды. Екінші кезең-қуаты жылына кемінде 1 млн тонна өнім беретін минералдық тыңайтқыштар мен индустриялық өнімдер өндіру жөніндегі химиялық кешеннің құрылысы.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.